ភ្នំពេញ៖នាយករដ្ឋមន្ត្រីកម្ពុជា សម្ដេចតេជោ ហ៊ុន សែន ទទួលបានថ្ងៃត្រង់ជាមួយនាយករដ្ឋមន្ត្រីប្រទេសម៉ាឡេស៊ី លោក អ៉ីស្មាអែល សាប្រ៊ី ប៊ីន យ៉ាកុប នៅវិមានសន្ដិភាពនាសៀលថ្ងៃទី២៤ ខែកុម្ភៈ ឆ្នាំ២០២២នេះ បន្ទាប់ពីធ្វើសន្ធីសិទកាសែតរួមគ្នា។
ក្នុងជំនួបរវាងសម្ដេចតេជោ និងលោក អ៊ីស្មាអ៊ែល សាប្រ៊ី ប៊ីន យ៉ាកុប កាលពីព្រឹកមិញភាគីទាំងពីរបានចេញសេចក្ដីថ្លែងការណ៍រួម១៤ចំណុចដែលក្នុងនោះភាគីទាំងពីរបានប្តេជ្ញាជំរុញកិច្ចសហប្រតិបត្តិការក្នុងវិស័យអភិវឌ្ឍធនធានមនុស្ស ការងារ និងសេដ្ឋកិច្ចឱ្យកាន់តែកើនឡើងបន្ថែមផងដែរ។
នាយករដ្ឋមន្ត្រីប្រទេសម៉ាឡេស៊ី លោក ដាតុ ស៊្រី អ៊ីស្មាអែល សាប្រ៊ី ប៊ីន យ៉ាកុប បានធ្វើដំណើរទស្សនកិច្ចផ្លូវការមកកម្ពុជាកាលពីថ្ងៃទី២៣ ខែកុម្ភៈ ម្សិលមិញ ដើម្បីរឹតចំណងមិត្តភាពសាមគ្គីភាព និងកិច្ចសហប្រតិបត្តិការរវាងប្រទេសកម្ពុជា ម៉ាឡេស៊ីឱ្យកាន់តែកើនឡើងសម្រាប់ជាប្រយោជន៍ដល់ប្រទេសទាំងពីរបន្ថែមទៀត៕
